រាត្រីដំបូង

បទពាក្យ៨ ចួនព្យាង្គ៣និងព្យាង្គ៥

លាន់ឮភ្លេងការលេងបទព្រះថោង ស្បៃប្រុសតោងសណ្តោងចូលទៅក្នង
គ្រែពូកខ្នើយកើយសម្រាងបម្រុង ពន្លឺផ្លុងៗសុងសូន្យមេត្រី។

រៀបចំរួចស្រេចសយនដ្ឋាន កល្យាណរួមប្រាណកែវពិសី
ក្រៅបន្ទប់វង្សាទាវដ្តី ចាំងរស្មីលើដីចន្ទភ្លឺថ្លា ។

ផ្លែឈើនំនែកសម្រាងសម្រិត រៀបប្រណិតចេកស្និតនិងម្លូស្លា
បារីចងបាច់សាយក្លិនបុប្ផា លំអរផ្កាដែលចារលើកម្រាល ។

រាត្រីចូលស៊ប់សន្សើមត្រជាក់ ផ្កាយព័ទ្ធពាក់ប្រទាក់ពន្លឺច្រាល
ឱភាសចន្រ្ទាសម្រស់ត្រកាល ព្រលប់ក្បាលកណ្តាលអធ្រាត្រស្ងាត់ ។

ឮសៀងសូរសំឡេងចង្រិតយំ ពួនជ្រកទំទ្រនំស្មៅសម្ងំកាត់
យូរៗម្តងពពកបាំងចន្ទបាត់ ខ្យល់រសាត់ផាយផាត់ត្រជាក់កាយ។

គន្ធរុក្ខាផ្កាព្រៃដុះលើទួល ក្លិនរំដួលជ្រាបជ្រួលរីកត្រសាយ
សម្ងំផ្ទំរុក្ខជាតិទាំងឡាយ ទាំងដើមស្វាយមិនស្តាយកាលទិវា។

រាត្រីដំបូងប្រាណភ័យអឹមអៀន គេងក្រវៀនអែបគៀនរអែងគ្នា
អាទិច្ចវង្សាយល់ដឹងវេលា ចាប់សសៀរលូនវាររកទាវធីតា។

វាយោអធ្រាត្រសៀតស៊កអារម្មណ៍ សែនសណ្តំប្រណមលោកមេបា
រូបកូនទាំងពីរពិតបានរៀបការ ញាតិដូនតាបាចផ្កាស្លាពរជ័យ ។

ហត្ថាព្រះថោងលើទ្រូងនាងនាគ ប្រាណប្រកៀករៀមងាកចេះលកលៃ

បទភ្លេងស្រណោះដិតហប្ញទ័យ ស្បៃប្រពៃមមៃសុខក្សេមក្សាន្ត ។

ព្រះចន្រ្ទ ២៥ សីហា ២០១៤

ស្លាយដ៍សូវ៍​នេះ​ត្រូវការ JavaScript។

ប្រភពរូបភាពៈ www.fanpop.com  bananaflavoredcat.deviantart.com

getlatestwallpapers.com  wallpaperclicker.com  www.1wallpaperhd.com

ចិត្តបងស្មោះស ខ្សែកជូនស្រី

រាត្រីសុខសាន្ត ប្រាណមនោរម្យ
ខ្នល់ខ្នើយទ្រនំ ប្រោះព្រំមេត្រី
ជំនោរត្រជាក់ ធ្លាក់មកថ្មីៗ
បងនិងពិសីផ្តោះផ្តងផ្តេកផ្តិត។ថ្ងៃស្អែកបងលា វេលាព្រាត់ពៅ
រូបបងចេញទៅ ឃ្លាតឆ្ងាយស្នេហ៍ស្និទ្ធ
ទឹកដីសីមា ដាមដក់ជាប់ស្អិត
កំលាំងកាយចិត្ត ដិតជាតិរដ្ឋា។

បងទុកខ្សែក ឱ្យអូនពាក់មួយ
គ្រាន់ជាជំនួយ ពេលនឹករៀមរ៉ា
ពាក់វាឱ្យជាប់ កុំដោះជីវ៉ា
សូមកនិដ្ឋារក្សាឱ្យគង់ ។

ពេលចប់ការងារ បងវិលរកអូន
បងមិនសោះសូន្យ ទេស្រស់ឆោមយង់
យើងនឹងរៀបការ រួមរស់យូរលង់
ស្រស់ស្រីមានទ្រង់ ជាគូអវសាន។

សិលា ៣០ ធ្នូ ២០១៤

ប្រភពរូបភាពៈ www.kntnews.com  

ផ្កាគទ្រាំបាន ញ័រអង្គប្រាណ ពេលផ្កាចារបង្អួតខ្លួន !

 

ផ្ការីកស្រស់ សម្រស់គន់ ក្រអូបឈ្ងុប
ព្រឹកទល់យប់ ចម្រុះពណ៌ តាមរដូវ
ផ្កាព្រៃព្រឹក្ស ទឹកសន្សើម ផ្សើមស្រែស្រូវ
រីកតាមផ្លូវ គន្ធពិដោរ សាយតាមខ្យល់។

វាយោផាត់ រសាត់ក្លិន ប៉ះនាសា
មាសចំប៉ា ចំប៉ីស ឋានសុខសល់
ម្លិះរំដួល ឆួលណាគ្រី ភាយតាមថ្នល់
បាត់កង្វល់ ពេលព្រលប់ យប់រាត្រី ។

ខ្យល់ត្រជាក់ ធ្លាក់ប៉ះកាយ សែនរងា
ជ្រូកមាន់ទា លាសុនក គោក្របី
កុកត្រយង ឆ្លងទទា ក្រាបលើដី
ខ្លាដំរី ប្រើសឈ្លុសក្តាន់ ជាន់ពពាក់។

កត្តិកខែ ប្រែរដូវ ផ្តើមចាប់កេះ
រាងរសេះ រសោះកាយ គេងតែងភ្ញាក់
មិគសិរ ចូលបុស្សមាឃ ទឹកតែងរាក់
នឹកវរលក្ខណ៍ ស្រមៃភ័ក្រ្ត ពេកកន្លង ។

មើលផ្កាគ ចង់លូកល៍ ដ្បិតរងា
គិតរកគ្នា យប់វេលា ចាប់ត្រកង
ផ្កាគរីក យោលរេរាំ ក្បែររបង
រូបប្រុសបង ស៊ូរង់ចាំ អាចទ្រាំបាន។

បើផ្កាចារ បង្អួតខ្លួន រីករហង់
ច្បាស់កន្លង់ រងាព្រឺ ញ័រអង្គប្រាណ
នៅមិនសុខ សែនរសាប់ នឹកកល្យាណ
បើត្រើយត្រាណ នៅនែបនិត្យ គាប់ចិន្តា។

សិលា ១៧ ធ្នូ ២០១៤

ប្រភពរូបភាពៈ commons.wikimedia.org

ចម៉្បាព្រៃវែង

ដីព្រៃវៃងដែលខ្ញុំមកដល់
បាត់កង្វល់បានជួបបុប្ផា
ស្រស់អ្វីម៉្លេះតូចតន់ចម៉្បា
ទាក់នេត្រារៀមតាមគយគន់។ភក្រ្តញញឹមថែមទាំងថ្ពាល់ខួច
ចង្កេះស្តួចដំណើរល្វតល្វន់
ដូចកិន្នរល្អសែនពេកពន់
ភ្នែកស្រទន់មុខមានមន្តស្នេហ៍។

រៀមឈរភ្លឹកភាន់ភាំងស្មារតី
ជ្រួលហប្ញទ័យចង់ថ្នាក់ថ្នមថែ
ត្រកងបីប្រលែងកៀកក្បែរ
សូមតាមញ៉ែផ្តងផ្តោះវាចា។

ក្រសែភ្នែកងាកមកម្តងៗ
ធ្វើឱ្យបងចាប់ចិត្តប្រាថ្នា
ទ្រូងញាប់ញ័រហើយសង្ឃឹមថា
ពៅជីវ៉ាមិនឆ្លើយថាទេ !

រៀមសូមផ្សងយកអូនឱ្យបាន
រួមសុខសាន្តជាមួយមាសមេ
សូមសច្ចាចិត្តមិនរារេ
សូមបំពេលុះអវសាន។

សិលា ៥ មករា ២០១៥

ប្រភពរូបភាពៈ www.daovien.net

រំដួលកាំពី

រសៀលទន់ទេរថ្ងៃជ្រេគងព្រៃ
លោមហប្ញទ័យទឹកជួរកាំពី
ទឹកហូរត្រជាក់ថ្លាយង់នទី
សម្រស់នារីទឹកដីឦសាន។សម្លេងទឹកធ្លាក់បញ្ជាក់ក្តីស្នេហ៍
ចិន្តាបានល្ហែល្ហើយកាយអង្គប្រាណ
ស្រអែមកាំពីស្រស់ស្រីភុំផាន
លង់ស្នេហ៍កល្យាណរំជួលមេត្រី។

ឱ!លោកអ្នកតាជាម្ចាស់ភូមិស្រុក
វត្តភ្នំសំបុកធ្វើជាសាក្សី
សសរមួយរយជួយនាំសម្តី
បានដល់ពិសីថារៀមលួចស្នេហ៍។

ឋានស្នេហ៍ឱសថព្យាបាលប្រោះព្រំ
សែនមនោរម្យលោមលួងថ្នមថែ
រំដួលកាំពីចិត្តស្មោះមិនប្រែ
ចូលដល់ឳម៉ែសូមក្រងវាសនា ។

សិលា ៤ មករា ២០១៥

ប្រភពរូបភាពៈ vylavorn.wordpress.com

បទ៖ លា​ហើយ​កម្ពុជា (ព្រះរាជនិពន្ធ​នៃ​សម្ដេចតា)

បទ៖ លា​ហើយ​កម្ពុជា (ព្រះរាជនិពន្ធ​នៃ​សម្ដេចតា).

សូមធ្វើការកាន់ទុក្ខដ៏ក្រៀមក្រំបំផុតចំពោះ ព្រះបរម​​ សពនៃសម្តេចតា

ភាគហ៊ុន​របស់​រដ្ឋាករទឹក ធ្លាក់ចុះ​ជា​ថ្មី

• Thursday, 26 April 2012 10:01
• Kourchettana Kun

ភ្នំពេញៈ តម្លៃភាគហ៊ុនរបស់រដ្ឋាករទឹកស្វ័យត ក្រុងភ្នំពេញ (PPWSA) នៅវគ្គជួញដូរលើកទីមួយម៉ោង ៩ព្រឹក បានធ្លាក់ចុះជាថ្មីម្តងទៀត បន្ទាប់ពីធ្លាក់ចុះពីរថ្ងៃជាប់គ្នារួមមក។ នេះបើតាមគេហទំព័ររបស់ក្រុមហ៊ុនផ្សារហ៊ុនមូលបត្រកម្ពុជា (CSX)។

តម្លៃភាគហ៊ុនរបស់ PPWSA បានធ្លាក់ចុះ ៤,៨៦ភាគរយ ឬស្មើនឹង ៤៥០រៀល ដែលធ្វើឲ្យតម្លៃភាគហ៊ុនរបស់ PPWSA ថយចុះមកនៅត្រឹម ៨ ៨០០រៀលក្នុងមួយហ៊ុន ពីតម្លៃ ៩ ២៥០ រៀល កាលពីថ្ងៃម្សិលមិញ។

គេហទំព័រ CSX បានបង្ហាញទៀតថា ទំហំជួញដូរសរុបនៅវគ្គទីមួយនេះ មានចំនួន ៣ ១៥៦ហ៊ុន គិតជាទឹកប្រាក់មានចំនួនជាង ២៧លានរៀល៕

[ ​បងរស់ព្រោះអូន ]

ច្រៀងដោយៈ ស៊ិន ស៊ីសាមុត
សំនៀងមរតក

១. ក្រោមមេឃលើដី មានតែស្រីមួយ    ដែលជាជំនួយនៃរឿងជីវិត
ខ្លួនអូនស្នេហ៍អូនជាទឹកអម្រឹត     ជួយស្រង់ជីវិត ឲ្យមានដង្ហើម ។

២. បុប្ផារស់បាន អាស្រ័យគង្គា     ទេសភាពនានាអាស្រ័យសន្សើម
រូបបងរស់បានអស្រ័យថ្លៃថ្លើម    គឺជាដង្ហើមផ្សើមឫសសង្ខារ ។

បន្ទរ. ក្នុងលោកនេះណា កល្យាណ    គ្មានអ្វីសំខាន់ដល់បងឡើយណា
មានតែអូនមួយជាត្រួយនេត្រា     ដែលរៀមប្រាថ្នា ជាគូលុះក្ស័យ ។

៣. ទោះជាផែនដីរលាយសោះសូន្យ    ស្នេហ៍បងនឹងអូន មិនសូន្យទេថ្លៃ
ស្នេហ៍រស់គង់វង់រុងរឿងលុះដល់ក្ស័យ   គ្មានអ្វីប្រល័យស្នេហ៍យើងបានឡើយ ។

ភ្លេង – បន្ទរ – ៣

យោងតាម khmerlyric.wordpress.com

បទៈ ខ្លួនបងសព្វថ្ងៃ(?)

ច្រៀងដោយៈ អ៊ិន យ៉េង ជាមួយ រស់ សេរីសុទ្ធា

១. [ប្រុស] ខ្លួនបងសព្វថ្ងៃ រីងរៃដួងចិត្ត ត្រាច់ចរផ្សងព្រេងជីវិត សូមអូនអាណិតប្រណីបងផង
រៀមសូមផ្ញើរខ្លួន រួមរស់ជាគូគ្រង សូមអូនសាសង ថាព្រមស្នេហ៍បងមួយម៉ាត់មកថ្លៃ ។

២. [ស្រី] អូនមិនស្ដាយទេពាក្យថាស្នេហា តែយើងទើបនឹងស្គាល់គ្នា សូមបងមេត្តាកុំបង្ខំស្រី
អូនខ្លាចតែបង បានប្រាណហើយដោះដៃ [ប្រុស] ទេៗ! ស្រស់ស្រី សូមកែវប្រណីកុំស្ដីដូច្នោះ ។

បន្ទរ. [ប្រុស] ទោះស្លាប់ក៏ហ៊ាន បងបូជាប្រាណ អូនជឿចិត្តបងចុះ
[ស្រី] អូនក្រែងមិនពិត ខ្លាចតែចិត្តប្រុស [ប្រុស] បងពិតជាស្មោះអស់ពីដួងចិត្ត ។

( ភ្លេង )

៣. [ស្រី] ខ្លួនអូនជាស្រីនៅវ័យក្រមុំ បើស្នេហ៍ត្រូវរកចាស់ទុំ មកដណ្ដឹងខ្ញុំបើស្រឡាញ់ពិត
[ប្រុស] រឿងគូរស្រករ ជាបញ្ហាជីវិត ឲ្យតែអូនស្នេហ៍ស្និទ្ធ អូនអើយយើងពិតជាបានសុខា ។

                                                                           យោងតាម khmerlyric.wordpress.com